ඕස්ට්‍රේලියාවේ ඉන්න ශ්‍රී ලාංකික ඔයාට ගොඩක් වැදගත් වෙන රැකියා අවස්ථා ගැන වගේම රැකියාවක් ලබා ගන්න අවශ්‍ය වෙන වැදගත් කරුණු ගොඩක් අපි දිගින් දිගටම අරගෙන ආවා. ඔන්න අලුත් අවුරුද්දේ සියලු දෙනාටම සුබම සුබ අලුත් අවුරුද්දක් ප්‍රාර්ථනා කරන ගමන් අද මුලින්ම කියන්න හදන්නේ ඕස්ට්‍රේලියාවේ වඩාත්ම ඉල්ලුමක් ඇති රැකියා පිලිබඳ කෙරුණු හෙළිදරව්වක් ගැනයි.

මේ මගින් වසරකට ඩොලර් 225,000 දක්වා ගෙවීම් කරන cashed-up salaries ගැන සඳහන් කර තිබෙනවා.

Jobs platform එකක් වන Seek හි නව පර්යේෂණයකින් හෙළි වූයේ සේවකයින් වැඩිපුරම අවශ්‍ය වන කර්මාන්තය සෞඛ්‍ය ක්ෂේත්‍රය බවත්, high acuity nursing වසරින් වසර ad growth එක මත පදනම්ව 10% කින් ඉහළ ගොස් ඇති බවත්ය.

General practitioners ලා මෙය ආසන්න වශයෙන් 8.8% කින් ඉහළ ගිය අතර, theatre and recovery nursing 8.2% කින් ඉහළ ගොස් තිබෙනවා.

ඊළඟ අංශය ලෙස Hospitality පැමිණි අතර, bar and beverage staff සඳහා ඇති ඉල්ලුම 5.8% කින් ඉහළ ගොස් තිබෙනවා.

Aged and disability support, warehousing workers, project management සහ forepeople පිළිවෙලින් 3.4%, 3.3%, 3% සහ 2.3% කින් ඉහළ ගොස් තිබෙනවා.

දැන්වීමකට ලැබෙන අයදුම්පත් ඉහළ මට්ටමක පැවතුනද, platform එකෙහි රැකියා දැන්වීම් වසරින් වසර 1.9% කින් පහත වැටී ඇති බව පර්යේෂණයෙන් හෙළි කර තිබෙනවා.

Seek අනුව, ඉහළම ආදායමක් ලබා දෙන භූමිකාව සාමාන්‍ය වෛද්‍යවරයෙකුගේ (general practitioner) භූමිකාවයි. වසරකට සාමාන්‍ය වැටුප ඩොලර් 225,000 ක්. මෙය 10.2% ක ප්‍රක්ෂේපිත 5 අවුරුදු වර්ධනයක් සමඟින් පැමිණෙනවා. ඉදිකිරීම් ව්‍යාපෘති කළමනාකරුවන්ට වසරකට ඩොලර් 135,000 ක සාමාන්‍ය වැටුපක් හිමි වෙනවා.

Theatre nurse ලා වසරකට සාමාන්‍යයෙන් ඩොලර් 100,000 ක් උපයන අතර, aged care registered nurse ලා ඩොලර් 90,000 ක සාමාන්‍ය වැටුපක් ලබනවා. මේ අංශ 2 සඳහාම ප්‍රක්ෂේපිත 5 අවුරුදු රැකියා වර්ධනය 13.9% ක්.

නත්තලට පෙර ඕස්ට්‍රේලියාවේ රැකියා වෙළඳපොළ ඉතා තරඟකාරී ස්වභාවයක් ගත් අතර, නව රැකියාවක් සොයන්නන් මත තවදුරටත් පීඩනයක් ඇති කළා.

නොවැම්බර් මාසයේදී රැකියා දැන්වීම් පරිමාවන් නැවතත් පහත වැටුණු අතර, වසරේ දෙවන භාගයේදී ඉල්ලුම අඩු වීමේ ප්‍රවණතාවක් දිගටම පැවතුණා.

ඒ අනුව මේ මගින් පවසන්නේ රැකියා දැන්වීම් නොවැම්බර් මාසයේදී තවත් 0.5% කින් පහත වැටී ඇති අතර එය වසර පුරා 1.9% කින් පහත වැටී ඇති බවයි.

දකුණු ඕස්ට්‍රේලියාව හැර සෑම ප්‍රාන්තයක්ම job ads වල මාසික පහත වැටීම් වාර්තා කරන බව ඒ අනුව පෙනී ගියා.

ජීවන වියදම නිරන්තරයෙන් ඉහළ යෑමත් සමග වෙන කවරදාටත් වඩා ඕස්ට්‍රේලියානුවන්ට අමතර රැකියාවක් කිරීමට සිදු වෙමින් පවතිනවා.

ඕස්ට්‍රේලියානු සංඛ්‍යාලේඛන කාර්යාංශයට අනුව, සැප්තැම්බර් කාර්තුව වන විට ඕස්ට්‍රේලියානුවන් 973,000 ක් රැකියා කිහිපයක නිරත වෙනවා.

Multiple employers ලා සමඟ තනතුරු දැරූ සේවකයින් 952,000 ක් සිටි ජුනි මාසයට වඩා මෙය 2.2% ක වැඩිවීමක්.

AMP ප්‍රධාන ආර්ථික විද්‍යාඥ Shane Oliver පැවසුවේ මෙය ජීවන වියදම් පීඩනය පවතින බවට ලකුණක් විය හැකි බවයි.

පසුගිය වසරේ බදු කප්පාදුව, 2025 දී පොලී අනුපාත කප්පාදු 3ක් සහ වැටුප් වැඩිවීම හේතුවෙන් ජීවන වියදම් පීඩනය තරමක් අඩු වී ඇතැයි අපේක්ෂා කළද, සමස්ත ඕස්ට්‍රේලියානුවන් තවමත් පසුපසට යමින් සිටින බව ආචාර්ය ඔලිවර් පැවසුවා.

“යටින් පවතින යථාර්ථය නම්, පසුගිය වසර 5 තුළ මිල ගණන් 21% කින් ඉහළ ගොස් ඇති අතර වැටුප් 16% කින් පමණක් ඉහළ ගොස් ඇති බැවින්, ජනතාව තවමත් වසර කිහිපයකට පෙර ඔවුන් සිටි තැනට පිටුපසින් සිටිනවා.” යනුවෙන් ඔහු පැවසුවා.

වර්තමානයේ ඕස්ට්‍රේලියානු විරැකියා අනුපාතය 4.3% ක් වන අතර එය ඓතිහාසික වශයෙන් අඩු අගයක පවතිනවා.