බටහිර සිඩ්නි හි අලුතින්ම විවෘත වීමට නියමිත ජාත්‍යන්තර ගුවන් තොටුපළ එහි සුවිශේෂී සන්ධිස්ථානයකට පැමිණ තිබෙනවා.

Western Sydney International (Nancy Bird Walton) Airport (IATA: WSI, ICAO: YSWS) එක, එහෙමත් නැත්නම් Badgerys Creek Airport හෝ Western Sydney Airport ලෙසද හැඳින්වෙන මෙම නව ගුවන්තොටුපළ New South Wales හි Luddenham සහ Badgerys Creek යන suburbs වල ඉදි කෙරුණු ජාත්‍යන්තර ගුවන්තොටුපළක්. එය Sydney CBD සිට 61km (සැතපුම් 38) ක් දුරින් පිහිටා තිබෙනවා. අවට ප්‍රදේශ සංවර්ධනය කිරීමත් සමඟ එය Western Sydney Aerotropolis plan එකේ ප්‍රධාන අංගයක් වී තිබෙනවා.

සිංගප්පූරු ගුවන් සේවය 25 වන බදාදා උදෑසන Western Sydney International Airport (WSI) එකෙන් ගුවන් ගමනක් සඳහා ටිකට්පත් අලෙවි කළ පළමු ජාත්‍යන්තර වාණිජ ගුවන් සේවය බවට පත් වුණා.

එම ජාත්‍යන්තර ගුවන් සේවය නොවැම්බර් 23 වන දින සිංගප්පූරුවේ Changi ගුවන්තොටුපළ සහ Nancy-Bird Walton Airport ලෙස හැඳින්වෙන නව බටහිර සිඩ්නි ගුවන්තොටුපළ අතර දෛනික ගමන් ආරම්භ කිරීමට නියමිතයි. 

මෙම වසරේ ඔක්තෝබර් මාසයේදී WSI ගුවන්තොටුපළ මගී ගමන් සඳහා සූදානම් වනු ඇතැයි අපේක්ෂා කළ නමුත්, ටිකට්පත් අලෙවිය තහවුරු කළ පළමු අවස්ථාව මෙයයි.

“සිංගප්පූරු ගුවන් සේවය බටහිර සිඩ්නි ජාත්‍යන්තර ගුවන්තොටුපළට පියාසර කිරීමට කැපවූ පළමු ජාත්‍යන්තර ගුවන් සේවය වන අතර, ටිකට්පත් විකිණීම ආරම්භ කිරීම පිළිබඳව මම සැබවින්ම සතුටු වෙමි, එවිට ජනතාවට ඔවුන්ගේ ඊළඟ ගුවන් ගමන සැලසුම් කිරීම ආරම්භ කළ හැකිය” යනුවෙන් ප්‍රවාහන අමාත්‍ය Catherine King පැවසුවා.

“නව බටහිර සිඩ්නි ජාත්‍යන්තර ගුවන්තොටුපළෙන් ආරම්භ වී Changi හරහා ලෝකයේ සෑම අස්සක් මුල්ලක් නෑරම සම්බන්ධ වන දෛනික ගුවන් ගමන් හරහා බටහිර සිඩ්නි, ගෝලීයව සම්බන්ධ කරනු ඇත.”

සිංගප්පූරු වේලාවෙන් 25 වන බදාදා උදෑසන 10 සිට නොවැම්බර් මාසයේ ගුවන් ගමන් ටිකට්පත් විකිණීමට නියමිත බව සිංගප්පූරු ගුවන් සේවය ප්‍රකාශ කර තිබුණා.

Mascot හි සිඩ්නි ගුවන්තොටුපළෙහි ක්‍රියාත්මක වන රාත්‍රී 11 සිට උදෑසන 6 දක්වා ඇඳිරි නීතියට යටත් නොවීමෙන් මෙම ගුවන්තොටුපළ ප්‍රයෝජන ගන්නා බව එම flight එක මගින් තහවුරු වෙනවා.

“එය curfew-free airport එකක්, ඒ නිසා එය අවස්ථාවක් කරගන්න” ඇමතිනී King, 702 ABC Sydney වෙත ප්‍රකාශ කර තිබුණා.

පළමු Singapore Airlines flight එක මධ්‍යම රාත්‍රියට පෙර පිටත් වී අලුයම 5 ට සිංගප්පූරුවට යාමට නියමිතයි.

ආපසු එන ගුවන් ගමන පෙ.ව. 11:30 ට සිංගප්පූරුවෙන් පිටත් වී රාත්‍රී 10:20 ට WSI වෙත පැමිණීමට නියමිතයි.

මෙම වසර අගදී විවෘත කරන විට, WSI භාවිතා කිරීමට සූදානමින් සිටින ජාත්‍යන්තර ගුවන් සේවා 2න් එකක් වන්නේ සිංගප්පූරු ගුවන් සේවයයි.

Air New Zealand පසුගිය වසරේ නිවේදනය කළේ 2027 සිට WSI වෙත පියාසර කරන බවයි. නමුත් එය ගුවන් යානා ලබා ගත හැකි වන ආකාරය මත රඳා පවතිනවා.

ඕස්ට්‍රේලියාවේ Qantas සහ Jetstar ද WSI වෙතින් ක්‍රියාත්මක වීමට නියමිතයි.

සිඩ්නි ගුවන්තොටුපළට ගුවන් සේවා සපයන ගුවන් සමාගම් 50 කට අධික සංඛ්‍යාවක් සිටින අතර, ඒවා බොහොමයක් ජාත්‍යන්තර ගුවන් සමාගම්.

WSI සමඟ සම්බන්ධ වීමට අනෙකුත් ගුවන් සමාගම් සමඟ සාකච්ඡා අඛණ්ඩව සිදුවන බව ඇමතිවරිය පවසා තිබුණා.

“මැද පෙරදිග ගුවන් සමාගම් කිහිපයක් ඉතා සමීපව කටයුතු කරමින් සිටියා. මේ මොහොතේ මැද පෙරදිග සැලකිය යුතු ගැටළු ඇති වී ඇති බැවින්, ඔවුන් වෙනත් කාරණා සමඟ තරමක් කාර්යබහුල වනු ඇතැයි මම අපේක්ෂා කරනවා.”

“අපිට ඉක්මනින්ම Qantas, Jetstar සහ Air New Zealand වෙතින් ටිකට්පත් අලෙවි කරනු දක්නට ලැබේවි.”

මෙම වසරේ ජූලි මාසයේදී WSI භාවිතා කරන International cargo flights එහි කුළුඳුල් ගුවන් ගමන් වනු ඇත.

Image credit: www.abc.net.au