ශ්‍රී ලංකා සිනමාවේ ස්වර්ණමය යුගයක් නිර්මාණය කල මාලිනි ෆොන්සේකා මහත්මියගේ දේහය පිළිබඳ අවසන් ගෞරවාන්විත කටයුතු අද (26) පස්වරුවේ, රාජ්‍ය අනුග්‍රහය සහිතව කොළඹ නිදහස් චතුරශ්‍රයේ දී සිදු කෙරේ.
පසුගිය සෙනසුරාදා දිවි ගමන නිම කළ ඇය, වයස අවුරුදු 78 දී ජීවිතයෙන් සමුගත් අතර, ශ්‍රී ලංකා සිනමාවේ “නිළි රැජින” ලෙස වසර ගණනාවක ගෞරවය හිමි කරගත් ආදරණීය චරිතයකි.
1947 අප්‍රේල් 30 වැනිදා කැළණියේ උපත ලැබූ වන්නි ආරච්චිගේ මාලිනි සෙනෙහෙලතා ෆොන්සේකා, 1963දී “නොරත රථ” නාට්‍යයෙන් වේදිකාවට පළමු පියවර තබා 1968දී “පුංචි බාබා” චිත්‍රපටය හරහා සිනමාවට පිවිසියේය.
දශක හයකට ආසන්න කාලයකදී චිත්‍රපට 150කට අධික සංඛ්‍යාවක රංගනයෙන් දායකවී, එදා සිට අද දක්වාම ප්‍රේක්ෂක හදවත් ජය ගත් ඇය නිධානය, බඹරු ඇවිත්, වෑකන්දේ වලව්ව, අම්මාවරුනේ, අකාස කුසුම් වැනි අමරණීය සිනමා නිර්මාණ මඟින් හා ටෙලිනාට්‍යයන් වන කෙම්මුර, පිටගම්කාරයෝ, අඹු දරුවෝ මඟින් ඇයගේ රංගන හැකියාව පෙන්වමින් ප්‍රේක්ෂක ආදරය දිනාගන්නා ලදි. ශ්‍රී ලංකාව තුළ හා එබැවින් පිටරටවලද සම්මාන රැසක් ඇයට හිමි වුණි.
මාලිනි ෆොන්සේකා මහත්මියගේ දේහය ජාතික චිත්‍රපට සංස්ථාවේ තරංගනී ශාලාවේ තැන්පත් කර ඇති අතර, ශ්‍රී ලංකා වේලාවෙන් අද පෙරවරු 8.00ට එය කොළඹ 07 නිදහස් චතුරශ්‍රයට රැගෙන යනු ලැබේ. පෙ.ව. 9.00 සිට ප.ව. 3.00 දක්වා මහජන ගෞරවයට අවස්ථාව සලසා ඇත. පසුව ප.ව. 3.30ට ඇය අධ්‍යාපනය ලැබූ කැළණිය ගුරුකුල විද්‍යාලයේ ආදි ශිෂ්‍යයෝ සහ කලාකරුවන් මගින් බෞද්ධ ආගමික වතාවත් සිදු කෙරෙන විශේෂ වේදිකාවක් වෙත රැගෙන යනු ලැබේ. ප.ව. 5.45ට ඇයගේ අවසන් ගමන චිතකය කරා ආරම්භ වේ.
සිංහල සිනමාවේ ස්වර්ණම යුගයක් නිර්මාණය කරමින්, සිංහල සිනමාව වෙනුවෙන් ඇය කළ මෙහෙවර සදාකාලික මෙහෙවරකි. ආදරණීය හෙළ සිනමාවේ නිළි රැජින ඔබතුමියට සුභ ගමන්
