ඕස්ට්‍රේලියානු අධ්‍යාපනයේ ඉතා වැදගත් දෙයක් තමයි VET එහෙමත් නැත්නම් Vocational Education and Training කියන්නේ. ඕස්ට්‍රේලියානු VET පාඨමාලා ඒ ඒ කර්මාන්තවල සිටින විශේෂඥයින් විසින් නිර්මාණය කර උගන්වනවා. ඒවා වෙළඳ සහ කර්මාන්ත ක්ෂේත්‍රවල විවිධ රැකියා භූමිකාවන් සිය ගණනක් සඳහා අවශ්‍ය ප්‍රායෝගික දැනුම සහ තාක්ෂණික කුසලතා සපයනවා.
රැකියාවල සාර්ථකත්වය සඳහා අදාළ ක්ෂේත්‍රය තුල ලබා තිබෙන අධ්‍යාපනය වැදගත් වෙනවා. VET පාඨමාලා විවිධ වෘත්තීන් සිය ගණනක් සඳහා අවශ්‍ය ප්‍රායෝගික කුසලතා සහ තාක්ෂණික සූදානම ලබා දෙනවා.
ඕස්ට්‍රේලියානු වෘත්තීය අධ්‍යාපනය සහ පුහුණුව එහෙමත් නැත්නම් vocational education and training (VET), ‘Technical and Vocational Education Training (TVET)’ සහ ‘skills training’ ලෙසත් හඳුන්වනවා. VET හි ප්‍රධානතම අධ්‍යාපන සපයන්නන් වෙන්නේ TAFE (Technical and Further Education) ආයතන.
VET වල ප්‍රධාන අධ්‍යාපන ක්ෂේත්‍ර මොනවද කියන එක, VET ඉගෙනුම් පරිසරයන් ගැන සහ VET Qualification levels ගැන අපි කලින් articles වලින් කිව්වා. අද අපි කියන්නේ ඔයා VET පාඨමාලාවක් හැදෑරිය යුත්තේ ඇයි කියන දේ.
ඔබ VET course එකක් හැදෑරිය යුත්තේ ඇයි?
1 . කර්මාන්තයේ විශේෂඥයින් විසින් ලැබෙන අධ්‍යාපනය
ඕස්ට්‍රේලියාවේ සියලුම VET ගුරුවරුන් සහ පුහුණුකරුවන්ට ඔවුන්ට අදාළ කර්මාන්තයේ මෑත කාලීන සහ අදාළ අත්දැකීම් තිබිය යුතුයි. ඔවුන්ගේ විශේෂඥතාව, අත්දැකීම් වගේම කර්මාන්තය තුළින් ලබාගත් බුද්ධිය සහ ප්‍රවණතා අදාළ ක්ෂේත්‍රය තුල ඔබව අත්දැකීම් සපිරි විශිෂ්ඨයෙකු කරන්න මග පාදනවා.
2 . විශ්වවිද්‍යාලයට හෝ වැඩිදුර අධ්‍යාපනයට මාර්ග විවර කරගන්න
ඕස්ට්‍රේලියානු VET සුදුසුකමක් ලබා තිබීම වැඩිදුර අධ්‍යාපනයට හෝ උසස් අධ්‍යාපන (විශ්ව විද්‍යාල මට්ටමේ) උපාධියකට පියවරක් වෙනවා. සමහර අධ්‍යයන ක්ෂේත්‍රවල, VET සුදුසුකමක් ලබා තිබීම උපාධියක් සඳහා study credit ලබා දෙනවා.
3 . රැකියා අවස්ථා විවර කරගන්න
ඕස්ට්‍රේලියාවේ VET පද්ධතියට කර්මාන්ත අවශ්‍යතා සඳහා වන සුදුසුකම් සැපිරීම පිළිබඳව අන්තර්ජාතික මට්ටමේ කීර්තියක් තිබෙනවා. ඒ නිසා VET පාඨමාලාවකින් ඔබ ඉගෙන ගන්නා දේ ඔබේ රැකියාව සඳහා ඔබට අනිවාර්යයෙන්ම අවශ්‍ය වේවි.
ඕස්ට්‍රේලියානු VET පාඨමාලා, විශේෂඥ කර්මාන්ත උපදෙස් මත පදනම්ව, සිසුන්ට දේශීයව සහ ජාත්‍යන්තරව ඉල්ලුමක් ඇති කුසලතා සන්නද්ධ කරගැනීම සඳහා උදව් වෙන පරිදි අඛණ්ඩව යාවත්කාලීන කෙරෙනවා. බොහෝ VET පාඨමාලා සඳහා ගත වෙන්නේ උසස් අධ්‍යාපන උපාධියකට වඩා අඩු කාලයක්. ඒ නිසා ඔබට ඉක්මනින් රැකියාවකට සූදානම් වෙන්න පුළුවන්.
4 . ගුණාත්මක අධ්‍යාපන ප්‍රමිතීන්
සියලුම ඕස්ට්‍රේලියානු VET providers ලා registered training organisations (RTOs) සඳහා දැඩි ගුණාත්මක ප්‍රමිතීන් සපුරාලිය යුතුයි. ප්‍රමිතීන් සපුරා ඇති බව සහතික කිරීම සඳහා, Tertiary Education Quality and Standards Agency (TEQSA) සහ Australian Skills Quality Authority (ASQA) සියලුම පාඨමාලා සහ අධ්‍යාපන සහ පුහුණු සපයන්නන් නිරීක්ෂණය කරනවා.
5 . විවිධ ඉගෙනුම් පරිසරයන්
ඔබට ඕස්ට්‍රේලියාවේ ප්‍රධාන නගරවලින් එකක campus එකක් තුළ අධ්‍යාපනය ලබන්න පුළුවන්. එහෙමත් නැත්නම් ඔයාට නිශ්චිත කර්මාන්ත ක්ෂේත්‍රයක් සඳහා විශේෂ වූ කුඩා නගරයක් තෝරා ගන්නත් පුළුවන්. උදාහරණයක් විදිහට, ග්‍රාමීය ප්‍රදේශයක් ඔයාට කෘෂි තාක්ෂණය හෝ සත්ව පාලනය පිළිබඳ ප්‍රායෝගික අත්දැකීම් ලබා දෙන අතර ඕස්ට්‍රේලියාවේ ප්‍රධාන නගරවලින් එකක් සංචාරක හෝ ඉදිකිරීම් අධ්‍යයනය කිරීමට හොඳ ස්ථානයක් වෙනවා.
6 . ඉහළම ගුණාත්මක ඉගෙනුම් අවකාශයන් සහ උපකරණ
බොහෝ VET සපයන්නන් සිසුන්ට තමන්ගේම කැම්පස්වල හෝ සේවා ස්ථානවල අති නවීන ඉගෙනුම් අවකාශයන් සහ උපකරණ සඳහා ප්‍රවේශය ලබා දෙනවා. සමහර කැම්පස් වල රෝහල් වාට්ටු, cybersecurity labs, ඉදිකිරීම් ස්ථාන හෝ රූපලාවන්‍යාගාර වැනි අනුරූප සහ සත්‍ය වැඩ පරිසරයන් ද තිබෙනවා. එමඟින් සැබෑ ලෝකයේ රැකියා සඳහා සූදානම් වීමට වඩාත් සුදුසු පරිසරයක් නිර්මාණය කරනවා.
7 . නවතම තාක්ෂණය සමඟ අනාගතය කේන්ද්‍ර කරගත් ඉගෙනීම
නැගී එන තාක්ෂණයන් ඕස්ට්‍රේලියානු VET හි බොහෝ පාඨමාලා සහ ඉගැන්වීමේ භාවිතයන්හි කොටසක්. සමහර පුහුණු සපයන්නන් virtual, augmented සහ immersive reality භාවිතා කරන ඉගෙනුම් පරිසරයන් නිර්මාණය කරමින් සිටිනවා. තවත් සමහරු රොබෝ විද්‍යාව, ඩ්‍රෝන යානා භාවිතය සහ අනෙකුත් ජීවිතය වෙනස් කරන තාක්ෂණයන් පිළිබඳ පාඨමාලා උගන්වන අතර, නවතම කුසලතා සහ ශිල්පීය ක්‍රමවලින් රැකියා සඳහා සූදානම් කිරීම වගේම උපාධියක් දක්වා යාමට අවශ්‍ය පසුබිම සකස් කරනවා.
