චීනයේ Hubei පළාතේ Yichang නගරයට බටහිරින් Yangtze ගඟ (Chang Jiang) හරස් කර ඉදිකර ඇති Three Gorges Dam ගැනයි මේ කතාව. මේ වේල්ල ඉදිකිරීම නිල වශයෙන් ආරම්භ කෙරුණේ 1994 දීයි. 

ඉදිකිරීම නිල වශයෙන් ආරම්භ කරන විට, එය චීනයේ විශාලතම ඉංජිනේරු ව්‍යාපෘතිය වුණා. 2006 දී එය නිම කරන විට, එය ලෝකයේ විශාලතම වේලි ව්‍යුහයයි. වේල්ල සහ ඒ ආශ්‍රිත ජල විදුලි බලාගාරය අදියර වශයෙන් සහ වසර ගණනාවක් පුරා ඉදිකෙරුණා. එය 2012 දී එහි සම්පූර්ණ ජනන ධාරිතාවයට ළඟා වුණා. 

වේල්ල සාගර භාණ්ඩ ප්‍රවාහන නැව් වලට යාත්‍රා කිරීමට ඉඩ සලසන අතර ජල විදුලි බලය ජනනය කරනවා. එය ගංවතුරෙන් ආරක්ෂා වීම සඳහා යොදා ගැනීමට ද අදහස් කළ නමුත් මෙම කරුණ පිළිබඳ කාර්යක්ෂමතාව අපැහැදිලි වන අතර එය විවාදයට භාජනය වී තිබෙනවා.

Three Gorges Dam එක ඉදිකිරීම ඉංජිනේරුමය ජයග්‍රහණයක් වුණත්, එය මතභේදාත්මක කරුණු වලින් ද පිරී තිබෙනවා. මෙම වේල්ල ඉදිකිරීම අවම වශයෙන් මිලියන 1.3 ක ජනතාවක් අවතැන් වීමට සහ ස්වාභාවික ලක්ෂණ වගේම අසංඛ්‍යාත දුර්ලභ වාස්තු විද්‍යාත්මක හා පුරාවිද්‍යාත්මක ස්ථාන විනාශ කිරීමට හේතු වුණා. කලාපයේ නායයෑම් සහ භූමිකම්පා සංඛ්‍යාව වැඩිවීම සම්බන්ධවද මෙයට චෝදනා එල්ල වෙනවා.

කෙළින්ම කොන්ක්‍රීට් ගුරුත්වාකර්ෂණ ව්‍යුහයක් වන මෙම Three Gorges Dam එක 2,335m (අඩි 7,660) ක් දිග වන අතර උපරිම උස 185m (අඩි 607) ක්. එහි සැලසුමට ඝන මීටර් මිලියන 28 ක (ඝන යාර මිලියන 37) කොන්ක්‍රීට් සහ වානේ මෙට්‍රික් ටොන් 463,000 ක් ඇතුළත්. 

600km (සැතපුම් 375) ක් පමණ ඉහළට Qutang, Wu, සහ Xiling දුර්ගවල විශාල ප්‍රදේශ ජලයෙන් යට කරමින්, වේල්ල දැවැන්ත ගැඹුරු ජලාශයක් නිර්මාණය කර ඇති අතර සාගර භාණ්ඩ ප්‍රවාහන නැව්වලට නැගෙනහිර චීන මුහුදේ  Shanghai සිට Chongqing අභ්‍යන්තර නගරය දක්වා 2,250km (සැතපුම් 1,400) ක් රට අභ්‍යන්තරයට ගමන් කිරීමට ඉඩ සලසනවා. 

වේල්ල සහ ජලාශය සංචාලනය කිරීම සඳහා සංකීර්ණයේ දෙපසම ඇති five-tier ship locks මගින් පහසුකම් සපයනු ලබන අතර, එමඟින් ටොන් 10,000 දක්වා බරැති යාත්‍රාවලට වේල්ල පසුකර යාමට ඉඩ සලසනවා. ඒ වගේම ටොන් 3,000 දක්වා බරැති යාත්‍රාවලට ship locks මඟ හැර වේල්ල පසුකර යාමට වඩා ඉක්මනින් ඉඩ සලසන ship lift එකක්ද තිබෙනවා. 

2015 අගභාගයේදී එය නිම කරන විට, 120m (අඩි 394) දිග, 18m (අඩි 59) පළල සහ 3.5m (අඩි 11) ගැඹුරකින් යුත් සෝපානය ලොව විශාලතම නැව් සෝපානය හෙවත් ship lift එක වුණා.