වැටුප් ආරවුලක් සම්බන්ධයෙන් විරෝධතා දක්වමින් වික්ටෝරියා පොලිස් නිලධාරීන් සිය ගණනක් සිකුරාදා (29) මෙල්බර්න් හි ස්පෙන්සර් වීදි පරිශ්‍රයේ සිට පාගමනක් පැවැත්වූහ. වසර 4ක් තුළ 24%ක වැටුප් වැඩිවීමක් ලබාදෙන ලෙස නිලධාරීන් උද්ඝෝෂණ කරමින් ඉල්ලා සිටී.වික්ටෝරියා පොලිස් සංගමයේ ප්‍රධානී වේන් ගැට් විසින් මෙම උද්ඝෝෂණය නොසැලී සිටින ක්‍රියාවක් ලෙස විස්තර කර ඇත.යෝජිත ගිවිසුමක් ප්‍රතික්ෂේප කිරීමෙන් පසු ඇනහිට ඇති සාකච්ඡාවලින් පසුව වික්ටෝරියා පොලීසිය විසින් මෙම උද්ඝෝෂණය ක්‍රියාත්මක කර ඇත. මහජන ආරක්ෂාවට බලපාන පොලීසිය සදහා බදවා ගැනීම අඩුවීමත්,නොගෙවූ අතිකාල ඇතුළු ගැටළු කිහිපයක් වික්ටෝරියා පොලිස් නිලධාරීන් අවධාරණය කරයි. Mill Park සහ Werribee ඇතුළු අනෙකුත් පොලිස් ස්ථානවලද මේ වන විට එවැනිම ක්‍රියාමාර්ග ගෙන ඇත. The Fair Work Commission විසින් වසර අවසානයට පෙර මෙම ආරවුල සම්බන්ධයෙන් තීරණය කිරීමට අපේක්ෂා කෙරේ.