සිඩ්නි හි Bondi වෙරළේ සිදු වූ සමූහ වෙඩි තැබීමේදී ප්රහාරකයෙකුගෙන් තුවක්කුවක් අල්ලා උදුරාගත් පුද්ගලයා වෙනුවෙන් ඕස්ට්රේලියාව පුරා පරිත්යාග ගලා ආ අතර, මුළු මුදල දැන් ඩොලර් මිලියන 1.1 (ඩොලර් 744,000) ඉක්මවා ඇති බව රොයිටර් පුවත් සේවය වාර්තා කරනවා.
වෙඩි තැබීමේ තුවාල සඳහා සැත්කමකට භාජනය වීමෙන් පසු ඔහු රෝහලේදී සුවය ලබමින් සිටිනවා.
දෙදරු පියෙකු වන 43 හැවිරිදි අහමඩ් අල් අහමඩ්, තුවක්කුකරුවෙකුට පිටුපසින් පහර දීමට පෙර නවතා තිබූ මෝටර් රථ පිටුපස සැඟවී සිටින අයුරු වීඩියෝ වලින් දැක්වුණා.
ප්රහාරකයාගේ රයිෆලය අල්ලාගෙන බිම හෙළීමට ඔහු සමත් වූ අතර, එය තවදුරටත් ජීවිත හානි සිදු කිරීමෙන් වළක්වා ගත් බව බලධාරීන් පවසනවා.
ඉරිදා දහවල් යුදෙව් සැමරුමකදී 50 හැවිරිදි පියෙකු සහ ඔහුගේ 24 හැවිරිදි පුත්රයා විසින් ප්රහාරය සිදු කළ බව ඕස්ට්රේලියානු පොලිසිය සඳුදා ප්රකාශ කළා. දශක 3කට ආසන්න කාලයක් තුළ රටේ සිදු වූ දරුණුතම සමූහ වෙඩි තැබීම ලෙස බලධාරීන් විස්තර කර ඇති මෙම සිද්ධියෙන් පුද්ගලයින් 15 දෙනෙකු මිය ගියා.
මේ අතර, අහමඩ්ට සහාය දැක්වීම සඳහා පිහිටුවන ලද GoFundMe ව්යාපාරයක් එක් දිනක් ඇතුළත ඕස්ට්රේලියානු ඩොලර් මිලියන 1.1 කට වඩා රැස් කර ඇති බව රොයිටර් වාර්තාව වැඩිදුරටත් දක්වනවා.
Image Credit: www.reuters.com
