රුසියාව විසින් සොයාගත් පිළිකා එන්නත වන “Enteromix” පූර්ව සායනික අත්හදා බැලීම් සම්පූර්ණ කර ඇති බව එරට පවසනවා. ඒ වගේම එය ආරක්ෂාව සහ ඉහළ කාර්යක්ෂමතාව යන ලක්ෂණ දෙකම පෙන්නුම් කරන බවද ඔවුන් සඳහන් කරනවා.

Russian Federal Medical-Biological Agency (FMBA) හි ප්‍රධානී Veronika Skvortsova සෙනසුරාදා Vladivostok හි Eastern Economic Forum (EEF) හිදී නිවේදනය නිකුත් කළ බව TASS වාර්තා කරනවා.

“පර්යේෂණය වසර ගණනාවක් පුරා පැවති අතර, අවසාන තුන අනිවාර්ය පූර්ව සායනික අධ්‍යයනයන් සඳහා කැප කර තිබෙනවා. එන්නත දැන් භාවිතයට සූදානම්; අපි නිල අනුමැතිය බලාපොරොත්තුවෙන් සිටිනවා.” යනුවෙන් Skvortsova පැවසුවා.

නැවත නැවත සිදුකළ පූර්ව සායනික ප්‍රතිඵල වලින් එන්නතෙහි ආරක්ෂාව සහ සැලකිය යුතු මට්ටමේ කාර්යක්ෂමතාවක් තහවුරු කළ බව Skvortsova පැවසුවා. ඒ වගේම එය නැවත නැවත භාවිතයටද සුදුසු බවයි පැවසෙන්නේ.

පිළිකාවේ ප්‍රමාණය අඩුවීම සහ පිළිකා වර්ධනය මන්දගාමී වීම 60% සිට 80% දක්වා අගයක, රෝග ලක්ෂණ මත පදනම්ව පවතින බව පර්යේෂකයන් නිරීක්ෂණය කර තිබෙනවා.

විවිධ මාධ්‍ය වාර්තා ද යෝජනා කරන්නේ එන්නත පූර්ව සායනික අත්හදා බැලීම් වලදී 100%කම කාර්යක්ෂමතාව පෙන්නුම් කර ඇති බවයි.

“රුසියානු විද්‍යාඥයින් විසින් භාවිතයට සූදානම් mRNA පිළිකා එන්නත එළිදක්වා ඇත.

රුසියානු Enteromix පිළිකා එන්නත දැන් සායනික භාවිතය සඳහා සූදානම් බව  Federal Medical and Biological Agency (FMBA) නිවේදනය කර ඇත.

FMBD ප්‍රධානී Veronika Skvortsova පැවසුවේ mRNA මත පදනම් වූ එන්නත පූර්ව සායනික අත්හදා බැලීම් සාර්ථකව සමත් වී ඇති බවත්, එහි ආරක්ෂාව සහ ඉහළ කාර්යක්ෂමතාව පෙන්නුම් කර ඇති බවත්ය.

එන්නත පිළිකා හැකිලීම සහ ඒවායේ වර්ධනය මන්දගාමී කිරීම සඳහා සැලකිය යුතු ප්‍රතිඵල පෙන්නුම් කළ අතර නැවත නැවත භාවිතා කිරීම සඳහා ආරක්ෂිත බව ද සොයාගෙන ඇත.

එන්නත එක් එක් රෝගියා සඳහා ගැලපෙන පරිදි වෙනස් කරනු ලබන අතර, ඔවුන්ගේ තනි RNA වලට අනුව සකස් කරනු ලබන බව Skvortsova පැවසුවාය.

එන්නතෙහි පළමු ආකාරය මහා බඩවැලේ පිළිකාවට ප්‍රතිකාර කිරීම සඳහා භාවිතා කරන බවත්, මොළයේ පිළිකාවක් වන glioblastoma සහ විශේෂිත melanoma වර්ග, සමේ පිළිකා සඳහා තවත් අනුවාදයක් සංවර්ධනය වෙමින් පවතින බවත් ඇය පැවසුවාය.” යනුවෙන් සුප්‍රසිද්ධ Sputnik, X පණිවිඩයකින් දක්වා තිබුණා.