මේ කියන්න හදන්නේ වාර්තා තැබූ, ඉතිහාසයේ විශිෂ්ඨතම පා පන්දු තරඟයක් ගැන. 2001 අප්‍රේල් 11 වන දින, ඕස්ට්‍රේලියානු සහ American Samoan පාපන්දු කණ්ඩායම් 2002 FIFA ලෝක කුසලානය සඳහා ඕෂනියානු සුදුසුකම් ලැබීමේ තරඟයකදී එකිනෙකා සමඟ ක්‍රීඩා කළා. මෙම තරඟය පැවැත්වුණේ ඕස්ට්‍රේලියාවේ Coffs Harbour හි International Sports Stadium එකේදී. 

ඕස්ට්‍රේලියාව ජාත්‍යන්තර පාපන්දු තරඟයක විශාලතම ජයග්‍රහණය සඳහා වන ලෝක වාර්තාවක් පිහිටුවමින් තරගය 31–0 ක් ලෙස ජයග්‍රහණය කළා. ඕස්ට්‍රේලියාවේ Archie Thompson ගෝල 13ක් ලබා ගනිමින් ජාත්‍යන්තර තරඟයකදී ක්‍රීඩකයෙකු ලබා ගත් වැඩිම ගෝල සංඛ්‍යාවේ වාර්තාව ද මෙහිදී බිඳ දැම්මා. තරඟයේදී ගෝල 8ක් ලබා ගත්  David Zdrilic, පළමු ලෝක යුද්ධයෙන් පසු ජාත්‍යන්තර තරඟයකදී දෙවන වැඩිම ගෝල සංඛ්‍යාවක් ලබා ගත්තා.

තරගයේ ප්‍රතිඵලය සුදුසුකම් ලැබීමේ තරඟාවලියේ ආකෘතිය පිළිබඳ වාද විවාදවලට තුඩු දුන් අතර, එයට පෙර (1998 සුදුසුකම් ලැබීමේදී) එවැනි අසමමිතික තරඟ වළක්වා ගැනීම සඳහා මූලික වටයක් පැවැත්වුණා. ඕස්ට්‍රේලියානු කළමනාකරු Frank Farina සහ Thompson නව ආකෘතිය විවේචනය කළ අතර, අවසානයේ FIFA විසින් 2006 FIFA ලෝක කුසලානය සඳහා ඕෂනියානු කලාප සුදුසුකම් ලැබීමේ මූලික වටයක් නැවත හඳුන්වා දීමට කටයුතු කළා.

2006 දී ඕස්ට්‍රේලියාව Asian Football Confederation වෙත මාරුවීමත් සමඟ ප්‍රතිවාදීන්ගේ අසමතුලිත භාවයට විසඳුම් ලැබුණා.